TOOI TURKOOIS Geleenthede 2026
TOOI jou Gemeenskap in TURKOOIS: 2026
Volgens Statistieke Suid Afrika (STATS SA 2025) word beraam dat ongeveer 6,6 miljoen mense in Suid‑Afrika, 60 jaar en ouer is. Dit verteenwoordig sowat 10.5% van die totale bevolking!
Sedert 2005 tot 2025 was daar ’n toename van ongeveer 3 miljoen mense – vanaf 3.3 miljoen na 6.6 miljoen.
Die Implikasies van en vir ’n Ouerwordende bevolking:
Groter druk op Gesondheidsdienste en Mediesefondse
Groter afhanklikheid van Ouderdoms- toelaes en Maatskaplike ondersteuning
Toename in nie-oordraagbare siektes, bv. diabetes, hoë bloeddruk, gehoorverlies, dementia, Parkinsons en vele ander mediese uitdagings.
Pensioen-fondse kom erg onder druk weens die verlengde tydperk wat uitbetalings moet geskied, agv van mense wat soveel langer leef!
Hierdie is slegs enkele van die uitdagings wat ouerwordende persone in die gesig staar.
Die uitdagings vir die gemeenskap, wat hierdie ouerwordende persone moet ondersteun, neem ook jaarliks toe. Verhoging van brandstofpryse, munisipale kostes en lewenskostes, bring mee dat kinders, familie en instansies soos bejaardesorg sentrums, kerke en ander hulp verleners, ook onder druk is met toenemende hulpverlening aan bejaardes
Wat kan ons doen?
TOOI TURKOOIS VELDTOG:
Die Tooi Turkoois veldtog is ’n jaarlikse nasionale bewusmaking en omgee-inisiatief wat fokus op die waardigheid, versorging en beskerming van ouer persone (Bejaardes) in Suid‑Afrika.
Wat gebeur met die TOOI TURKOOIS veldtog?
Die veldtog is deur die Algemene Diakensvergadering (ADV) van die Nederduitsch Hervormde kerk (NHKA) ge-inisieer.
Dit vind jaarliks vanaf 15 Mei tot 15 Junie plaas onder leiding van die diakens en gemeentes van die NHKA. NHSV takke (Sustersvereniging van die NHKA), Bejaardesorgsentrums en ander Burgerlike entiteite, ondersteun ook die veldtog!
Die veldtog is op die nasionale kalender vir spesiale dae en eindig doelbewus op 15 Junie! Dit is die Wêreld Bewustheidsdag vir Bejaarde mishandeling.
Baie dankie aan gemeentes wat deurlopend betrokke is by hulle plaaslike Bejaardesorg Sentrum en by ouer persone in hulle gemeenskappe.
Die TOOI TURKOOIS veldtog wil:
Bewustheid skep vir die uitdagings wat ouer mense ervaar soos eensaamheid, verwaarlosing, mishandeling, gesondheidsbehoeftes ens!
Respek, waardigheid en omgee vir bejaardes bevorder.
Gemeenskappe aktiveer om prakties betrokke te raak by die ondersteuning van ouer persone.
Hoe kan ons deelneem?
Letterlik enige persoon kan deelneem.
Die veldtog moedig mense aan om:
Turkoois klere of bykomstighede te dra bv. Strikkies, serpe, mussies, of hemde of T-shirts om bewustheid te skep.
Drapeer die heining van jou huis, kerk, kantoor of strate met Turkoois strikke of lappe.
Sigbare TOOI TURKOOIS aksies:
Daar is letterlik honderde, as dit nie duisende aksies is, wat geneem kan word om ouer persone te ondersteun en om bewusmaking te skep vir ondersteuning! Blaai terug op die TOOI TURKOOIS Facebookblad om verlede jaar se aksies te sien.
Hier is slegs ’n paar moontlikhede
🌀 Deel Turkoois strikkies uit aan al die ouer lidmate in die gemeente. Die katkisante kan help met die aansteek daarvan. Jy kan dit ook by jou werk, skool of klub uitdeel.
🌀Strikkies met Tooi Turkoois op, kan bestel word by die skrywer. (Besonderhede hieronder.)
🌀Hou ‘n “Warm TOOI TURKOOIS” geleentheid. Samel kombers, mussies, serpe, ens in. Reël ’n besoek aan die plaaslike Bejaardesorg Sentrum en deel die items uit aan die inwoners.
🌀Met winter op hande, is aanvullers altyd nodig om immuniteit te bou. Pak “sorgpakkies” met bruistablette en ander produkte. Dit kan ook items soos beskuit, koekies, tee, koffie, milo, suiker, ens insluit.
🌀Reël ’n bederf geleentheid waar ouer persone bederf word met heerlike sop en broodjies, of tee en kolwyntjies. Onthou die lekker vermaak!!.
🌀Katkisante, of die skool se leerders, kan kaartjies maak met ’n bemoedigende boodskap wat tydens ’n besoek aan die ouer persone oorhandig word. Hulle kan ook ’n gebed doen tydens die besoek.
🌀Aksies, waar ouer persone vergesel word na die dokter of winkel, kan ook gereël word. Die gemeente, dokter, tandarts of oogkundige kan komplimentêre konsultasies beskibaar stel.
Waarom juis die kleur turkoois?
Turkoois word gebruik as ’n sigbare simbool van:
🟢Liefde
🟢Respek
🟢Versorging
🟢Vrede en Kalmte
Deur Turkoois te dra of te vertoon wys gemeenskappe openlik:
“Ons gee om vir ons bejaardes”!!
Die kern van die TOOI TURKOOIS veldtog is dat ouer persone, belangrik en waardevol is. Hulle besit ’n skat van ervaring en ondervinding. Hulle het die wêreld gevorm en het verseker steeds ‘n bydrae om te lewer. Hulle verdien om met menswaardigheid, liefde en sorg behandel te word.
Deel asseblief julle aksies met ons. Stuur die fotos en inligting vir my. Enige onduidelikhede en navrae kan ook aan my gerig word.
Seënwense!
Diaken Andries Pretorius WhatsApp 081 466 8691
TOOI TURKOOIS Strikkies
Bestel jou gedrukte strikkies @ R7-00 per strikkie.
E-pos jou Naam & Van en selfoonnommer
Hoeveelheid strikkies benodig.
Stuur jou aflewerings adres aan Andries Pretorius by andries@rentgau.co.za
Aflewerings koste betaalbaar deur besteller
EFT inbetalings vir strikkie bestellings
Rekening naam: Plesion NPC
Bank: Nedbank
Rekeningnommer: 1127321897
Verwysing: Strikkies
Bewusmakings Veldtogte vir 2026
Dinsdag 2 Junie
Pretoria Botaniese Tuine
Maak seker jy is deel van die unieke geleentheid!
Om jou/julle teenwoordigheid te bevestig, stuur vir Anneke ‘n e-pos met jou naam & van, telefoonnommer en e-Posadres by admin@helpseniors.org.za of WhatsApp haar by 072 349 8395
